මනූෂ සහ ගයන්තට එරෙහි පෙත්සම ඉවතට

 

මනූෂ නානායක්කාර සහ ගයන්ත කරුණාතිලක මන්ත්‍රිවරුන් පාර්ලිමේන්තුවට තේරී පත්වීම අභියෝගයට ලක් කරමින් එක්සත් ජාතික පක්ෂයෙන් ගාල්ල දිස්ත්‍රික්කයට තරග කළ ක්‍රිෂාන්ත පුෂ්පකුමාර ගොනු කළ පෙත්සම අද අභියාචනාධිකරණය නිෂ්ප්‍රභ කළේය.  ක්‍රිෂාන්ත පුෂ්පකුමාර මෙම පෙත්සම ගොනු කළේ, ගාල්ල දිස්ත්‍රික්කයට තරග කළ එක්සත් ජාතික පක්ෂ අපේක්ෂකයන් ලබාගත් මනාප යළිත් ගණන් කර ඒ අනුව ප්‍රතිඵල ප්‍රකාශ කරන ලෙස ඉල්ලමිනි.වගඋත්තරකරුවන් වෙනුවෙන් පෙනී සිටි නීතිඥවරයා මුලික විරෝධතාවක් ඉදිරිපත් කරමින් කියා සිටියේ එකම පක්ෂයක අපේක්ෂකයින්ගේ පත්වීම්වලට අභියෝග කරමින් පෙත්සමක් ගොනු කළ නොහැකි බවයි.දෙපාර්ශ්වයේම කරුණුවලට සවන් දුන් අධිකරණය වගඋත්තරකරුවන්ගේ මුලික ‍විරෝධය පිළිගනිමින් පෙත්සම නිෂ්ප්‍රභ ක‍ළේය.
අභියාචනාධිකරණ විනිසුරු සිසිර ඩි. ආබෲ ප්‍රකාශ කළේ, මනුෂ නානායක්කාර සහ ගයන්ත කරුණාතිලක යන මහත්වරුන්ගේ පාර්ලිමේන්තු මන්ත්‍රිධුර නිත්‍යානුකූල බවයි.

ශ්‍රී ලංකා කණ්ඩායමේ නව පුහුණුකරු

 

හිටපු ඕස්ට්‍රේලියානු ක්‍රිකට් ක්‍රීඩක ජෙෆ් මාෂ් ශ්‍රී ලංකා ක්‍රිකට් කණ්ඩායමේ ප්‍රධාන පුහුණුකරු තනතුරට පත් කර තිබේ. ශ්‍රී ලංකා ක්‍රිකට් ආයතනය මීට ටික වේලාවකට පෙර මේ බව නිල වශයෙන් නිවේදනය කළේය.
ඕස්ට්‍රේලියානු කණ්ඩායම වෙනුවෙන් ටෙස්ට් ක්‍රිකට් තරග 50ක් සහ එක්දින තරග 119ක් ක්‍රීඩා කර ඇති ජෙෆ් මාෂ් 1987 වසරේ ලෝක කුසලානය දිනූ ඕස්ට්‍රේලියානු කණ්ඩායමේ ද සාමාජිකයෙකි.මීට පෙර ඕස්ට්‍රේලියානු හා සිම්බාබ්වේ ජාතික කණ්ඩායම්වල  පුහුණුකරු ලෙස හා ඕස්ට්‍රේලියානු තේරීම් කමිටු සාමාජිකයකු ලෙස ද කටයුතු කළ ජෙෆ් මාෂ් ඉදිරි වසර 2ක කාලයක් ශ්‍රී ලංකා‍ කණ්ඩායමට සේවය කරනු ඇති.

දුරකථන 759ක් හොරට ගෙනල්ලා

නීති විරෝධීව මෙරටට රැගෙන ආ ජංගම දුරකථන 759ක් අද(23) උදෑසන කටුනායක ගුවන් තොටුපළේදී රේගු භාරයට පත් විය.ගුවන්තොටුපළ රේගුව පැවසුවේ, එම දුරකථනවල වටිනාකම රුපියල් ලක්ෂ 57ක් පමණ වන බවයි.චිනයේ නිෂ්පාදිත එම ජංගම දුරකථන තොගය ඩුබායි සිට පැමිණි ශ්‍රි ලාංකිකයෙකු විසින් රැගෙන එනු ලැබ තිබේ.